na is tarah koi aayaa hai aur na aataa hai
— Saleem Kausar
Na is tarah koi aayaa hai aur na aataa hai
Magar wo hai ki musalsal diye jalaataa hai
Kabhee safar kabhi rakht-e-safar ganvaataa hai
Phir is ke baad koi raasta banaataa hai
Ye log ishq men sachche nahin hain varna hijr
Na ibtidaa na kaheen intihaa men aataa hai
Ye kaun hai jo dikhaa.ee nahin diyaa ab tak
Aur ek umr se apnee taraf bulaataa hai
Vo kaun thaa main jise raaste men chhoD aayaa
Ye kaun hai jo mire saath saath aataa hai
Vahee tasalsul-e-auqaat toD degaa ki jo
Dar-e-ufuq pe shab-o-roz ko milaataa hai
Jo aasmaan se raaten utaartaa hai 'saleem'
Vahee zameen se kabhi aaftaab uThaataa hai
Na is tarah koi aaya hai aur na aata hai
Magar wo hai ki musalsal diye jalata hai
Kabhi safar kabhi raKHt-e-safar ganwata hai
Phir is ke baad koi rasta banata hai
Ye log ishq mein sachche nahin hain warna hijr
Na ibtida na kahin intiha mein aata hai
Ye kaun hai jo dikhai nahin diya ab tak
Aur ek umr se apni taraf bulata hai
Wo kaun tha main jise raste mein chhoD aaya
Ye kaun hai jo mere sath sath aata hai
Wahi tasalsul-e-auqat toD dega ki jo
Dar-e-ufuq pe shab-o-roz ko milata hai
Jo aasman se raaten utarta hai 'salim'
Wahi zamin se kabhi aaftab uThata hai