na koi naam o nasab hai na goshvaara miraa

Na koi naam o nasab hai na goshvaara miraa Bas apnee aab-o-havaa hee pe hai guzaara miraa Miree zameen pe tire aaftaab raushan hain Tire falak pe chamaktaa hai ik sitaara miraa Jo chaahtaa hai wo taskheer kar le dunya ko Kisee bhee shai pe nahin hai yahaan ijaara miraa Main ham-kanaar huaa ek lahar se aur phir Kinaare hee men kaheen gum huaa kinaara miraa Bas ek lamhaa-e-benaam kee giraft men hain Na jaane kaisaa ta.alluq hai ye tumhaaraa miraa To phir jo nafaa hai main us men kyuun nahin shaamil Agar yahaan kaa khasaara hai sab khasaara miraa Jo dhyaan tak nahin deta hai meree baaton par Samajh raha hai vahee shakhs to ishaara miraa Kaheen khushee kee numaa.ish men rakh diyaa jaa kar Kal us ne basta-e-gham taaq se utaaraa miraa Vahee hai til vahee rukhsaar hain vahee too hai Magar nahin hai samarqand aur bukhaaraa miraa Main baad o baaraan se aatish kasheed kartaa hoon Ki aab o khaak kee tamseel hai idaara miraa Ab aa gaya hoon to sochaa sadaa lagaataa chaloon Kise khabar yahaan aanaa na ho dobaara miraa Daroon-e-khaana koi bhee nahin kisee kaa 'saleem' Pe dekhne men to lagtaa hai shahr sara miraa Na koi nam o nasab hai na goshwara mera Bas apni aab-o-hawa hi pe hai guzara mera Meri zamin pe tere aaftab raushan hain Tere falak pe chamakta hai ek sitara mera Jo chahta hai wo tasKHir kar le duniya ko Kisi bhi shai pe nahin hai yahan ijara mera Main ham-kanar hua ek lahar se aur phir Kinare hi mein kahin gum hua kinara mera Bas ek lamha-e-benam ki giraft mein hain Na jaane kaisa talluq hai ye tumhaara mera To phir jo nafa hai main us mein kyun nahin shamil Agar yahan ka KHasara hai sab KHasara mera Jo dhyan tak nahin deta hai meri baaton par Samajh raha hai wahi shaKHs to ishaara mera Kahin KHushi ki numaish mein rakh diya ja kar Kal us ne basta-e-gham taq se utara mera Wahi hai til wahi ruKHsar hain wahi tu hai Magar nahin hai samarqand aur buKHara mera Main baad o baran se aatish kashid karta hun Ki aab o KHak ki tamsil hai idara mera Ab aa gaya hun to socha sada lagata chalun Kise KHabar yahan aana na ho dobara mera Darun-e-KHana koi bhi nahin kisi ka 'salim' Pe dekhne mein to lagta hai shahr sara mera