phir ji uthe hain jis se wo imkaan tum nahin

Phir jee uThe hain jis se wo imkaan tum nahin Ab jo bhee kar raha hai ye ehsaan tum nahin Mujh men badal raha hai jo ik aalam-e-khayaal Us lamha-e-junoon ke nigahbaan tum nahin Bujhte hue charaagh kee lau jis ne tez kee Vo aur hee havaa hai miree jaan tum nahin Phir yuun huaa ki jaise girah khul ga.ee koi Mushkil to bas yahee thee ki aasaan tum nahin Tum ne sunee nahin hai sadaa-e-shikast-e-dil Ham jhelte rahe hain ye nuqsaan tum nahin Tum se to bas nibaah kee soorat nikal paDee Jis se hue the waada o paimaan tum nahin Khush-fahmiyon kee baat alag hai magar ye ghar Jis ke liye sajaa hai wo mehmaan tum nahin Ye aalam-e-zuhoor hai hijrat-zada 'saleem' Ham bhee dukhee hain sirf pareshaan tum nahin Phir ji uThe hain jis se wo imkan tum nahin Ab jo bhi kar raha hai ye ehsan tum nahin Mujh mein badal raha hai jo ek aalam-e-KHayal Us lamha-e-junun ke nigahban tum nahin Bujhte hue charagh ki lau jis ne tez ki Wo aur hi hawa hai meri jaan tum nahin Phir yun hua ki jaise girah khul gai koi Mushkil to bas yahi thi ki aasan tum nahin Tum ne suni nahin hai sada-e-shikast-e-dil Hum jhelte rahe hain ye nuqsan tum nahin Tum se to bas nibah ki surat nikal paDi Jis se hue the wada o paiman tum nahin KHush-fahmiyon ki baat alag hai magar ye ghar Jis ke liye saja hai wo mehman tum nahin Ye aalam-e-zuhur hai hijrat-zada 'salim' Hum bhi dukhi hain sirf pareshan tum nahin