qurbaten hote hue bhi faaslon men qaid hain

Qurbaten hote hue bhee faaslon men qaid hain Kitnee aazaadee se ham apnee hadon men qaid hain Kaun see aankhon men mere khvaab raushan hain abhee Kis kee neenden hain jo mere ratjagon men qaid hain Shahr aabaadee se khaalee ho ga.e khushboo se phuul Aur kitnee khvaahishen hain jo dilon men qaid hain Paanv men rishton kee zanjeeren hain dil men khauf kee Aisaa lagtaa hai ki ham apne gharon men qaid hain Ye zameen yoonhee sikuDtee jaa.egee aur ek din Phail jaa.enge jo toofaan saahilon men qaid hain Is jazeere par azal se khaak uDtee hai havaa Manzilon ke bhed phir bhee raaston men qaid hain Kaun ye paataal se ubhraa kinaare par 'saleem' Sar-phiree maujen abhee tak daa.eron men qaid hain Qurbaten hote hue bhi faslon mein qaid hain Kitni aazadi se hum apni hadon mein qaid hain Kaun si aankhon mein mere KHwab raushan hain abhi Kis ki ninden hain jo mere ratjagon mein qaid hain Shahr aabaadi se KHali ho gae KHushbu se phul Aur kitni KHwahishen hain jo dilon mein qaid hain Panw mein rishton ki zanjiren hain dil mein KHauf ki Aisa lagta hai ki hum apne gharon mein qaid hain Ye zamin yunhi sikuDti jaegi aur ek din Phail jaenge jo tufan sahilon mein qaid hain Is jazire par azal se KHak uDti hai hawa Manzilon ke bhed phir bhi raston mein qaid hain Kaun ye patal se ubhra kinare par 'salim' Sar-phiri maujen abhi tak daeron mein qaid hain