saal ki aakhirii shab

Saal kee aakhiree shab Mere kamre men kitaabon kaa hujoom Pichhlee raaton ko taraashe hue Kuch maah o nujoom Main akelaa mire atraaf uluum Ek tasveer pe bante hue mere khad-o-khaal In pe jamtee huee gard-e-mah-o-saal Ik hayoolaa saa pas-e-shahr-e-ghubaar Aur mujhe jakDe hue khud miree baahon ke hisaar Koee rauzan hai na dar So ga.e ahl-e-khabar Saal kee aakhiree shab Na kisee hijr kaa sadma na kisee vasl kaa khvaab Kham hone ko hai bas aakhiree lamhe kaa shabaab Aur ufuq paar dhundlakon se kahen Khulne vaalaa hai na.ee sub.h kaa baab Is na.ee sub.h ko kya nazr karoon Har taraf phailaa huaa tez havaaon kaa fusoon Aur main sochtaa hoon Dar-o-deevaar men lipTe hue sahme hue log Galee-koochon men nikalte hue ghabraate hue Main unhen kaise bataa.oon ki yahee mausam hai Jab parindon ke par-o-baal nikal aate hain Sal ki aaKHiri shab Mere kamre mein kitabon ka hujum Pichhli raaton ko tarashe hue Kuch mah o nujum Main akela mere atraf ulum Ek taswir pe bante hue mere KHad-o-KHal In pe jamti hui gard-e-mah-o-sal Ek hayula sa pas-e-shahr-e-ghubar Aur mujhe jakDe hue KHud meri bahon ke hisar Koi rauzan hai na dar So gae ahl-e-KHabar Sal ki aaKHiri shab Na kisi hijr ka sadma na kisi wasl ka KHwab KHam hone ko hai bas aaKHiri lamhe ka shabab Aur ufuq par dhundlakon se kahen Khulne wala hai nai subh ka bab Is nai subh ko kya nazr karun Har taraf phaila hua tez hawaon ka fusun Aur main sochta hun Dar-o-diwar mein lipTe hue sahme hue log Gali-kuchon mein nikalte hue ghabraate hue Main unhen kaise bataun ki yahi mausam hai Jab parindon ke par-o-baal nikal aate hain