safar ki ibtidaa huii ki teraa dhyaan aa gaya

Safar kee ibtidaa huee ki teraa dhyaan aa gaya Miree zameen ke saamne ik aasamaan aa gaya Ye faisla huaa miree shanaakht aa.eena kare Magar ye kis kaa aks hai jo darmiyaan aa gaya Ajiib uljhanon men ab ke saa.aten guzar ga.iin Nisaab yaad bhee nahin aur imtihaan aa gaya Hisaar-e-sail-e-aab se to naav bach ga.ee magar Havaa ke haath saahilon pe baadbaan aa gaya Nigaah aur raaste ke dukh to raushnee se the Charaagh bujh ga.e to meraa mehmaan aa gaya Tiree sadaa pe mujh ko lauTnaa thaa jang chhoD kar Magar wo ek tiir jo sar-e-kamaan aa gaya Main baam-o-dar se poochh aa.uun koi aayaa to nahin 'saleem' raat Dhal ga.ee miraa makaan aa gaya Safar ki ibtida hui ki tera dhyan aa gaya Meri zamin ke samne ek aasaman aa gaya Ye faisla hua meri shanaKHt aaina kare Magar ye kis ka aks hai jo darmiyan aa gaya Ajib uljhanon mein ab ke saaten guzar gain Nisab yaad bhi nahin aur imtihan aa gaya Hisar-e-sail-e-ab se to naw bach gai magar Hawa ke hath sahilon pe baadban aa gaya Nigah aur raste ke dukh to raushni se the Charagh bujh gae to mera mehman aa gaya Teri sada pe mujh ko lauTna tha jang chhoD kar Magar wo ek tir jo sar-e-kaman aa gaya Main baam-o-dar se puchh aaun koi aaya to nahin 'salim' raat Dhal gai mera makan aa gaya