sandesa use kahnaa

Use kahnaa Kabhee milne chalaa aa.e Hamaare paanv men jo raasta thaa Raaste men peD the PeDon pe jitnee taa.eron kee Toliyaan Ham se milaa kartee thiin Ab wo Udhte Udhte thak ga.ee hain Vo ghanee shaakhen jo ham par saayaa kartee thiin Vo sab murjhaa ga.ee hain Tum use kahnaa Kabhee milne chalaa aa.e Labon par lafz hain Lafzon men koi daastaan qissa kahaanee Jo use aksar sunaate the Kise jaa kar sunaa.enge Bataa.enge Ki ham mehraab-e-abroo men sitaare Taankne vaale Dar-e-lab bosa-e-iz.haar kee dastak se aksar kholne vaale Kabhee bikhree huee zulfon men ham Mahtaab ke gajre banaa kar baandhne vaale Charaagh aur aa.ine ke darmiyaan Kab se sar-e-saahil khaDe maujon ko takte hain Use kahnaa Use ham yaad karte hain Use kahnaa Ham aa kar khud use milte Magar maqtal badalte mausamon ke Khoon men rangeen hai Aur ham Qataar andar qataar aise bahut se mausamon ke darmiyaan Tanhaa khaDe hain Jaane kab apna bulaavaa ho Ki ham men aaj bhee Ik umr kee vaaraftagee aur vahshaton kaa raqs jaaree hai Vo baazee jo bisaat-e-jaan pe khelee thee Abhee ham ne na jiitee hai na haaree hai Use kahnaa kabhi milne chalaa aa.e Ki ab kee baar shaayad Apnee baaree hai Use kahna Kabhi milne chala aae Hamare panw mein jo rasta tha Raste mein peD the PeDon pe jitni taeron ki Toliyan Hum se mila karti thin Ab wo Udhte Udhte thak gai hain Wo ghani shaKHen jo hum par saya karti thin Wo sab murjha gai hain Tum use kahna Kabhi milne chala aae Labon par lafz hain Lafzon mein koi dastan qissa kahani Jo use aksar sunate the Kise ja kar sunaenge Bataenge Ki hum mehrab-e-abru mein sitare Tankne wale Dar-e-lab bosa-e-izhaar ki dastak se aksar kholne wale Kabhi bikhri hui zulfon mein hum Mahtab ke gajre bana kar bandhne wale Charagh aur aaine ke darmiyan Kab se sar-e-sahil khaDe maujon ko takte hain Use kahna Use hum yaad karte hain Use kahna Hum aa kar KHud use milte Magar maqtal badalte mausamon ke KHun mein rangin hai Aur hum Qatar andar qatar aise bahut se mausamon ke darmiyan Tanha khaDe hain Jaane kab apna bulawa ho Ki hum mein aaj bhi Ek umr ki waraftagi aur wahshaton ka raqs jari hai Wo bazi jo bisat-e-jaan pe kheli thi Abhi hum ne na jiti hai na haari hai Use kahna kabhi milne chala aae Ki ab ki bar shayad Apni bari hai