shaair e khush navaa vahii kaar e Dunya

Vahee kaar-e-Dunya Vahee kaar-e-Dunya ke apne jhamele Vahee dil kee haalat Vahee khvaahishon aarzooon ke mele Vahee zindagee se bharee bhiiD men chalne vaale sabhee log Apnee jagah par akele Ka.ee gard-aalood manzar nigaahon kee dahleez par jam ga.e hain Mujhe yuun lagaa jaise chalte hue vaqt ke qaafile tham ga.e hain Zaraa seeDhiyon se udhar main ne dekhaa Vahee shahr hai aur vahee shahr kee be-karaamat fazaa hai Vahee khalq hai aur vahee khalq ke bhuul jaane kee apnee adaa hai Vahee raaste hain vahee be-suhoolat safar kee sazaa hai Vahee saans lene ko jiine ko be-mehr aab-o-havaa hai Vahee zindagee hai vahee us ke chaaron taraf be-tahaffuz ridaa hai Vahee seeDhiyon se udhar raahdaaree ke baa.en taraf khaalee kamra Tiree guftugoo se bharaa khaalee kamra Tire qahqahon ke samundar men Duubaa huaa aansuon kaa jazeera Jazeere men uDtaa huaa ik parinda MunDeron dareechon darakhton kee tanhaa.iyon kaa mudaavaa parinda Tiree chaahaton aur wafa-daariyon ke ufuq par sitaara-numaa ik parinda Tire giit gaataa Tamannaaon kee baarishon men nahaataa Kisee taaza imkaan ko jagmagaataa Kaheen duur phailee huee kahkashaaon men gum ho gaya hai Zaraa seeDhiyon se udhar main ne dekhaa Ka.ee likhne vaale Khushaamad kaa kaasa liye apne gheebat-kade men khaDe hain Siyaasee vaDere Musaavaat kaa naam le kar hamesha ghareeb aadmee kee anaa se laDe hain Ka.ee ahl-e-daanish Jo mazloom kee aah-o-zaaree pe dikhte the Zaalim ke dar par paDe hain Yahaan koi chhoTaa nahin hai Sab ik doosre se baDe hain Tiree shaa.iree kaa khameer apne jazbon kee sachchaa.iyon se uThaa thaa Too apne usoolon ke aatish-fishaan par khaDaa Zindagee kee riyaa-kaariyon se nabard-aazmaa thaa Too apne ravayyon kee sab haalaton men Mohabbat se likkhee huee ik duaa thaa Too ahl-e-wafa kaa zameer aashnaa thaa Abhee seeDhiyaan chaDhte chaDhte main ruk saa gaya hoon Vahaan kaun hai Kaun hai ab jo dastak kee pahlee kiran kee hikaayat sunegaa Na.e ratjagon kee masaafat men uljhe hue aane vaale dinon kee Rivaayat sunegaa Charaaghon kee awaaz men Aa.inon kee tilaavat sunegaa Mire shaa.ir-e-khush-navaa Too ki dushman bhee achchhaa thaa Aur dostee men bhee teraa yahaan koi saanee nahin hai Jise ahl-e-dil bhuul jaa.enge Too wo kahaanee nahin hai Wahi kar-e-duniya Wahi kar-e-duniya ke apne jhamele Wahi dil ki haalat Wahi KHwahishon aarzuon ke mele Wahi zindagi se bhari bhiD mein chalne wale sabhi log Apni jagah par akele Kai gard-alud manzar nigahon ki dahliz par jam gae hain Mujhe yun laga jaise chalte hue waqt ke qafile tham gae hain Zara siDhiyon se udhar main ne dekha Wahi shahr hai aur wahi shahr ki be-karamat faza hai Wahi KHalq hai aur wahi KHalq ke bhul jaane ki apni ada hai Wahi raste hain wahi be-suhulat safar ki saza hai Wahi sans lene ko jine ko be-mehr aab-o-hawa hai Wahi zindagi hai wahi us ke chaaron taraf be-tahaffuz rida hai Wahi siDhiyon se udhar rahdari ke baen taraf KHali kamra Teri guftugu se bhara KHali kamra Tere qahqahon ke samundar mein Duba hua aansuon ka jazira Jazire mein uDta hua ek parinda MunDeron darichon daraKHton ki tanhaiyon ka mudawa parinda Teri chahaton aur wafa-dariyon ke ufuq par sitara-numa ek parinda Tere git gata Tamannaon ki barishon mein nahata Kisi taza imkan ko jagmagata Kahin dur phaili hui kahkashaon mein gum ho gaya hai Zara siDhiyon se udhar main ne dekha Kai likhne wale KHushamad ka kasa liye apne ghibat-kade mein khaDe hain Siyasi waDere Musawat ka nam le kar hamesha gharib aadmi ki ana se laDe hain Kai ahl-e-danish Jo mazlum ki aah-o-zari pe dikhte the Zalim ke dar par paDe hain Yahan koi chhoTa nahin hai Sab ek dusre se baDe hain Teri shairi ka KHamir apne jazbon ki sachchaiyon se uTha tha Tu apne usulon ke aatish-fishan par khaDa Zindagi ki riya-kariyon se nabard-azma tha Tu apne rawayyon ki sab haalaton mein Mohabbat se likkhi hui ek dua tha Tu ahl-e-wafa ka zamir aashna tha Abhi siDhiyan chaDhte chaDhte main ruk sa gaya hun Wahan kaun hai Kaun hai ab jo dastak ki pahli kiran ki hikayat sunega Nae ratjagon ki masafat mein uljhe hue aane wale dinon ki Riwayat sunega Charaghon ki aawaz mein Aainon ki tilawat sunega Mere shair-e-KHush-nawa Tu ki dushman bhi achchha tha Aur dosti mein bhi tera yahan koi sani nahin hai Jise ahl-e-dil bhul jaenge Tu wo kahani nahin hai