taare jo kabhi ashk fishaanii se nikalte

Taare jo kabhi ashk-fishaanee se nikalte Ham chaand uThaa.e hue paanee se nikalte Khaamosh sahee markazee kirdaar to ham the Phir kaise bhalaa teree kahaanee se nikalte Mohlat hee na dee gardish-e-aflaak ne ham ko Kyaa silsila-e-naql-e-makaanee se nikalte Ik umr lagee teree kushaada-nazree men Is tangi-e-daamaan ko giraanee se nikalte Bas ek hee mausam kaa tasalsul hai ye Dunya Kyaa hijr-zada khvaab-e-javaanee se nikalte Vo vaqt bhee guzraa hai ki dekhaa nahin tum ne Sahraaon ko Dariya kee ravaanee se nikalte Shaayad ki 'saleem' amn kee soorat nazar aatee Ham log agar shola-bayaanee se nikalte Tare jo kabhi ashk-fishani se nikalte Hum chand uThae hue pani se nikalte KHamosh sahi markazi kirdar to hum the Phir kaise bhala teri kahani se nikalte Mohlat hi na di gardish-e-aflak ne hum ko Kya silsila-e-naql-e-makani se nikalte Ek umr lagi teri kushada-nazri mein Is tangi-e-daman ko girani se nikalte Bas ek hi mausam ka tasalsul hai ye duniya Kya hijr-zada KHwab-e-jawani se nikalte Wo waqt bhi guzra hai ki dekha nahin tum ne Sahraon ko dariya ki rawani se nikalte Shayad ki 'salim' amn ki surat nazar aati Hum log agar shola-bayani se nikalte