tum ne sach bolne ki jurat ki

Tum ne sach bolne kee jur.at kee Ye bhee tauheen hai adaalat kee Manzilen raaston kee dhuul huiin Poochhte kya ho tum masaafat kee Apnaa zaad-e-safar bhee chhoD ga.e Jaane vaalon ne kitnee ujlat kee Main jahaan qatl ho raha hoon vahaan Mere ajdaad ne hukoomat kee Pahle mujh se judaa huaa aur phir Aks ne aa.eene se hijrat kee Meree aankhon pe us ne haath rakhaa Aur ik khvaab kee mahoorat kee Itnaa mushkil nahin tujhe paanaa Ik ghaDee chaahiye hai fursat kee Ham ne to khud se intiqaam liyaa Tum ne kya soch kar mohabbat kee Kaun kis ke liye tabaah huaa Kyaa zaroorat hai is vazaahat kee Ishq jis se na ho sakaa us ne Shaa.eree men ajab siyaasat kee Yaad aa.ee to hai shanaakht magar Intihaa ho ga.ee hai ghaflat kee Ham vahaan pahle rah chuke hain 'saleem' Tum ne jis dil men ab sukoonat kee Tum ne sach bolne ki jurat ki Ye bhi tauhin hai adalat ki Manzilen raston ki dhul huin Puchhte kya ho tum masafat ki Apna zad-e-safar bhi chhoD gae Jaane walon ne kitni ujlat ki Main jahan qatl ho raha hun wahan Mere ajdad ne hukumat ki Pahle mujh se juda hua aur phir Aks ne aaine se hijrat ki Meri aankhon pe us ne hath rakha Aur ek KHwab ki mahurat ki Itna mushkil nahin tujhe pana Ek ghaDi chahiye hai fursat ki Hum ne to KHud se intiqam liya Tum ne kya soch kar mohabbat ki Kaun kis ke liye tabah hua Kya zarurat hai is wazahat ki Ishq jis se na ho saka us ne Shaeri mein ajab siyasat ki Yaad aai to hai shanaKHt magar Intiha ho gai hai ghaflat ki Hum wahan pahle rah chuke hain 'salim' Tum ne jis dil mein ab sukunat ki