vaqt munsif hai tumhen khabar hai kahaa thaa tum ne

Tumhen khabar hai kahaa thaa tum ne Main lafz sochoon main lafz boloon main lafz likkhoon Main lafz likhne pe zindagee ke aziiz lamhon ko nazr kar duun Main lafz likkhoon Aur un kee aankhon men munjamid ratjagon ko apne lahoo kee taaza haraaraten de ke Jagmagaa duun To main baDaa hoon Tumhen khabar hai Miree ragon men baDe qabeele ke shaahzaade kaa Khoon zinda ravaan-davaan hai Jise mohabbat ke dushmanon be-zameer logon ne Pyaar karne ke jurm men qatl kar diyaa thaa Yahee nahin balki khud ko munsif banaa liyaa thaa Kisee ne bhee khoon-bahaa na maangaa Ki shahr-e-mehnat ke sab buzurgon ne darguzar kaa sabaq diyaa thaa Magar wo main thaa ki lafz likkhe Tumhen khabar hai Ki meree booDhee aziim maan ne javaan beTon ko haadson ke Supurd kar ke duaa.en maangeen Khudaa-e-bartar mire lahoo ko amar banaa de Duaa.en maangen to un ke chehre pe guzre mausam ke saare dukh SilvaTon kee soorat ubhar ga.e hain Magar wo maflooj ho ga.ee hai Yaqeen jaano ki main ne aise azaab lamhon men lafz likkhe Tumhen khabar hai BaDee havelee ke rehne vaale tamaam logon ko chhoD kar main ne lafz likkhe Tumhen khabar hai Main lahlahaate haseen kheton ko chhoD shahr kee be-amaan Faseelon men aagyaa hoon Aur apne saa.e kee khoj men hoon Kaheen mile to main lafz likkhoon Naheen mile to main lafz likkhoon Tumhen khabar hai kahaa thaa tum ne Ki vaqt munsif hai Aur wo faisla karegaa Tumhein KHabar hai kaha tha tum ne Main lafz sochun main lafz bolun main lafz likkhun Main lafz likhne pe zindagi ke aziz lamhon ko nazr kar dun Main lafz likkhun Aur un ki aankhon mein munjamid ratjagon ko apne lahu ki taza hararaten de ke Jagmaga dun To main baDa hun Tumhein KHabar hai Meri ragon mein baDe qabile ke shahzade ka KHun zinda rawan-dawan hai Jise mohabbat ke dushmanon be-zamir logon ne Pyar karne ke jurm mein qatl kar diya tha Yahi nahin balki KHud ko munsif bana liya tha Kisi ne bhi KHun-baha na manga Ki shahr-e-mehnat ke sab buzurgon ne darguzar ka sabaq diya tha Magar wo main tha ki lafz likkhe Tumhein KHabar hai Ki meri buDhi azim man ne jawan beTon ko hadson ke Supurd kar ke duaen mangin KHuda-e-bartar mere lahu ko amar bana de Duaen mangen to un ke chehre pe guzre mausam ke sare dukh SilwaTon ki surat ubhar gae hain Magar wo mafluj ho gai hai Yaqin jaano ki main ne aise azab lamhon mein lafz likkhe Tumhein KHabar hai BaDi haweli ke rehne wale tamam logon ko chhoD kar main ne lafz likkhe Tumhein KHabar hai Main lahlahate hasin kheton ko chhoD shahr ki be-aman Fasilon mein aagya hun Aur apne sae ki khoj mein hun Kahin mile to main lafz likkhun Nahin mile to main lafz likkhun Tumhein KHabar hai kaha tha tum ne Ki waqt munsif hai Aur wo faisla karega