wo aankhen jin se mulaaqaat ik bahaana huaa

Wo aankhen jin se mulaaqaat ik bahaana huaa Unhen khabar hee nahin kaun kab nishaana huaa Sitaara-e-saharee kaa bharosa mat kiijo Na.e safar men ye rakht-e-safar puraanaa huaa Na jaane kaun see aatish men jal bujhe ham tum Yahaan to jo bhee huaa hai daroon-e-khaana huaa Kuchh is tarah se wo shaamil huaa kahaanee men Ki is ke baad jo kirdaar thaa fasaana huaa Usee sitaare ne bhaTkaa diyaa sar-e-manzil Safar pe jo miree tahveel men ravaana huaa Sunaa hai tujh ko to ham yaad bhee nahin aate Ye imtihaan to nahin ye to aazmaanaa huaa Hamen to ishq muqaddar hai jaise rizq 'saleem' So chal paDenge jahaan apna aab-o-daana huaa Wo aankhen jin se mulaqat ek bahana hua Unhen KHabar hi nahin kaun kab nishana hua Sitara-e-sahari ka bharosa mat kijo Nae safar mein ye raKHt-e-safar purana hua Na jaane kaun si aatish mein jal bujhe hum tum Yahan to jo bhi hua hai darun-e-KHana hua Kuchh is tarah se wo shamil hua kahani mein Ki is ke baad jo kirdar tha fasana hua Usi sitare ne bhaTka diya sar-e-manzil Safar pe jo meri tahwil mein rawana hua Suna hai tujh ko to hum yaad bhi nahin aate Ye imtihan to nahin ye to aazmana hua Hamein to ishq muqaddar hai jaise rizq 'salim' So chal paDenge jahan apna aab-o-dana hua