ye log jis se ab inkaar karnaa chaahte hain

Ye log jis se ab inkaar karnaa chaahte hain Vo guftugoo dar-o-deevaar karnaa chaahte hain Hamen khabar hai ki guzregaa ek sail-e-fanaa So ham tumhen bhee khabar-daar karnaa chaahte hain Aur is se pahle ki saabit ho jurm-e-khaamoshee Ham apnee raa.e kaa iz.haar karnaa chaahte hain Yahaan tak aa to ga.e aap kee mohabbat men Ab aur kitnaa gunahgaar karnaa chaahte hain Gul-e-umeed farozaan rahe tiree khushboo Ki log use bhee giraftaar karnaa chaahte hain UThaa.e phirte hain kab se azaab-e-dar-badree Ab is ko vaqf-e-rah-e-yaar karnaa chaahte hain Jahaan kahaanee men qaatil baree huaa hai vahaan Ham ik gavaah kaa kirdaar karnaa chaahte hain Vo ham hain jo tiree awaaz sun ke tere hue Vo aur hain ki jo deedaar karnaa chaahte hain Ye log jis se ab inkar karna chahte hain Wo guftugu dar-o-diwar karna chahte hain Hamein KHabar hai ki guzrega ek sail-e-fana So hum tumhein bhi KHabar-dar karna chahte hain Aur is se pahle ki sabit ho jurm-e-KHamoshi Hum apni rae ka izhaar karna chahte hain Yahan tak aa to gae aap ki mohabbat mein Ab aur kitna gunahgar karna chahte hain Gul-e-umid farozan rahe teri KHushbu Ki log use bhi giraftar karna chahte hain UThae phirte hain kab se azab-e-dar-badri Ab is ko waqf-e-rah-e-yar karna chahte hain Jahan kahani mein qatil bari hua hai wahan Hum ek gawah ka kirdar karna chahte hain Wo hum hain jo teri aawaz sun ke tere hue Wo aur hain ki jo didar karna chahte hain