aise hijr ke mausam kab kab aate hain

Aise hijr ke mausam kab kab aate hain Tere alaava yaad hamen sab aate hain Jaagtee aankhon se bhee dekho dunya ko Khvaabon kaa kyaa hai vo har shab aate hain Jazb kare kyuun ret hamaaree ashkon ko Teraa daaman tar karne ab aate hain Ab vo safar kee taab nahin baaqee varna Ham ko bulaave dasht se jab tab aate hain Kaaghaz kee kashtee men dariyaa paar kiyaa Dekho ham ko kyaa kyaa kartab aate hain Aise hijr ke mausam kab kab aate hain Tere alawa yaad hamein sab aate hain Jagti aankhon se bhi dekho duniya ko KHwabon ka kya hai wo har shab aate hain Jazb kare kyun ret hamari ashkon ko Tera daman tar karne ab aate hain Ab wo safar ki tab nahin baqi warna Hum ko bulawe dasht se jab tab aate hain Kaghaz ki kashti mein dariya par kiya Dekho hum ko kya kya kartab aate hain