apnii yaad men

Main apne ghaao gin raha hoon Duur titliyon ke reshmee paron ke niile piile rang UD rahe hain har taraf Farishte aasmaan se utar rahe hain saf-ba-saf Main apne ghaao gin raha hoon Aansuon kee os men nahaa ke bhoole-bisre khvaab aa ga.e Khuun kaa dabaao aur kam huaa Naheef jism par kisee ke naakhunon ke aaDe-tirchhe naqsh Jagmagaa uThe Labon pe luknaton kee barf jam ga.ee Taveel hichkiyon kaa ek silsila Fazaa men hai Lahoo kee boo havaa men hai Main apne ghao gin raha hun Dur titliyon ke reshmi paron ke nile pile rang UD rahe hain har taraf Farishte aasman se utar rahe hain saf-ba-saf Main apne ghao gin raha hun Aansuon ki os mein naha ke bhule-bisre KHwab aa gae KHun ka dabao aur kam hua Nahif jism par kisi ke naKHunon ke aaDe-tirchhe naqsh Jagmaga uThe Labon pe luknaton ki barf jam gai Tawil hichkiyon ka ek silsila Faza mein hai Lahu ki bu hawa mein hai