dil men rakhtaa hai na palkon pe bithaataa hai mujhe
— Shahryar
Dil men rakhtaa hai na palkon pe biThaataa hai mujhe
Phir bhee ik shakhs men kya kya nazar aataa hai mujhe
Raat kaa waqt hai suraj hai miraa raah-numaa
Der se duur se ye kaun bulaataa hai mujhe
Meree in aankhon ko khawabon se pashemaanee hai
Niind ke naam se jo haul saa aataa hai mujhe
Teraa munkir nahin ai waqt magar dekhnaa hai
BichhDe logon se kahaan kaise milaataa hai mujhe
Qissa-e-dard men ye baat kahaan se aa.ee
Main bahut hanstaa hoon jab koi sunaataa hai mujhe
Dil mein rakhta hai na palkon pe biThata hai mujhe
Phir bhi ek shaKHs mein kya kya nazar aata hai mujhe
Raat ka waqt hai suraj hai mera rah-numa
Der se dur se ye kaun bulata hai mujhe
Meri in aankhon ko KHwabon se pashemani hai
Nind ke nam se jo haul sa aata hai mujhe
Tera munkir nahin ai waqt magar dekhna hai
BichhDe logon se kahan kaise milata hai mujhe
Qissa-e-dard mein ye baat kahan se aai
Main bahut hansta hun jab koi sunata hai mujhe