dil pareshaan ho magar aankh men hairaanii na ho

Dil pareshaan ho magar aankh men hairaanee na ho Khvaab dekho ki haqeeqat se pashemaanee na ho Kyaa huaa ahl-e-junoon ko ki duaa maangte hain Shahr men shor na ho dasht men veeraanee na ho DhoonDte DhoonDte sab thak ga.e lekin na milaa Ik ufuq aisa ki jo dhund kaa zindaanee na ho Gham kee daulat baDee mushkil se milaa kartee hai Saunp do ham ko agar tum se nigahbaanee na ho Nafraton kaa vahee malboos pahan lo phir se Ain mumkin hai ye dunya tumhen pahchaanee na ho Dil pareshan ho magar aankh mein hairani na ho KHwab dekho ki haqiqat se pashemani na ho Kya hua ahl-e-junun ko ki dua mangte hain Shahr mein shor na ho dasht mein virani na ho DhunDte DhunDte sab thak gae lekin na mila Ek ufuq aisa ki jo dhund ka zindani na ho Gham ki daulat baDi mushkil se mila karti hai Saunp do hum ko agar tum se nigahbani na ho Nafraton ka wahi malbus pahan lo phir se Ain mumkin hai ye duniya tumhein pahchani na ho