gum shuda
— Shahryar
Khurdure jism ke nasheb-o-faraaz
Jaanne kee havas men jis kee zabaan
Aur sab zaa.iqe bhulaa baiThee
Vo nihattaa akelaa raat ke waqt
Ek dil-doz cheekh ke ham-raah
Jangalon kee taraf gaya tha kabhi
Aur phir lauT kar nahin aayaa
Ab wo shaayad kabhi na aa.egaa
Us ke saa.e kee donon aanhken magar
Maut se us kee be-khabar hain abhee
Is kee aamad kee muntazir hain abhee
Khurdure jism ke nasheb-o-faraaz
Jaanne ki hawas mein jis ki zaban
Aur sab zaiqe bhula baiThi
Wo nihatta akela raat ke waqt
Ek dil-doz chiKH ke ham-rah
Jangalon ki taraf gaya tha kabhi
Aur phir lauT kar nahin aaya
Ab wo shayad kabhi na aaega
Us ke sae ki donon aanhken magar
Maut se us ki be-KHabar hain abhi
Is ki aamad ki muntazir hain abhi