ham padh rahe the khvaab ke purzon ko jod ke
— Shahryar
Ham paDh rahe the khvaab ke purzon ko joD ke
Aandhee ne ye tilism bhee rakh Daalaa tod ke
Aaghaaz kyuun kiyaa tha safar in khalaaon kaa
Pachhtaa rahe ho sabz zameenon ko chhoD ke
Ik buund zahr ke liye phailaa rahe ho haath
Dekho kabhi khud apne badan ko nichoD ke
Kuchh bhee nahin jo khvaab kee soorat dikhaa.ee de
Koee nahin jo ham ko jagaa.e jhinjhoD ke
In paaniyon se koi salaamat nahin gaya
Hai waqt ab bhee kashtiyaan le jaao moD ke
Hum paDh rahe the KHwab ke purzon ko joD ke
Aandhi ne ye tilism bhi rakh Dala tod ke
Aaghaz kyun kiya tha safar in KHalaon ka
Pachhta rahe ho sabz zaminon ko chhoD ke
Ek bund zahr ke liye phaila rahe ho hath
Dekho kabhi KHud apne badan ko nichoD ke
Kuchh bhi nahin jo KHwab ki surat dikhai de
Koi nahin jo hum ko jagae jhinjhoD ke
In paniyon se koi salamat nahin gaya
Hai waqt ab bhi kashtiyan le jao moD ke