jaagtaa hoon main ek akelaa dunya sotii hai

Jaagtaa hoon main ek akelaa dunya sotee hai Kitnee vahshat hijr kee lambee raat men hotee hai Yaadon ke sailaab men jis dam main ghir jaataa hoon Dil-deevaar udhar jaane kee khwaish hotee hai Khvaab dekhne kee hasrat men tanhaa.ee meree Aankhon kee banjar dhartee men neenden botee hai Khud ko tasallee denaa kitnaa mushkil hota hai Koee qeemtee chiiz achaanak jab bhee khotee hai 'umr-e-safar jaaree hai bas ye khel dekhne ko Ruuh badan kaa bojh kahaan tak kab tak Dhotee hai Jagta hun main ek akela duniya soti hai Kitni wahshat hijr ki lambi raat mein hoti hai Yaadon ke sailab mein jis dam main ghir jata hun Dil-diwar udhar jaane ki KHwahish hoti hai KHwab dekhne ki hasrat mein tanhai meri Aankhon ki banjar dharti mein ninden boti hai KHud ko tasalli dena kitna mushkil hota hai Koi qimti chiz achanak jab bhi khoti hai 'umr-e-safar jari hai bas ye khel dekhne ko Ruh badan ka bojh kahan tak kab tak Dhoti hai