jab bhi miltii hai mujhe ajnabii lagtii kyuun hai

Jab bhee miltee hai mujhe ajnabee lagtee kyuun hai Zindagee roz na.e rang badaltee kyuun hai Dhuup ke qahr kaa Dar hai to dayaar-e-shab se Sar-barahna koi parchhaa.een nikaltee kyuun hai Mujh ko apna na kahaa is kaa gilaa tujh se nahin Is kaa shikva hai ki begaana samajhtee kyuun hai Tujh se mil kar bhee na tanhaa.ee miTegee meree Dil men rah rah ke yahee baat khaTaktee kyuun hai Mujh se kya poochh rahe ho miree vahshat kaa sabab Boo-e-aavaara se poochho ki bhaTaktee kyuun hai Jab bhi milti hai mujhe ajnabi lagti kyun hai Zindagi roz nae rang badalti kyun hai Dhup ke qahr ka Dar hai to dayar-e-shab se Sar-barahna koi parchhain nikalti kyun hai Mujh ko apna na kaha is ka gila tujh se nahin Is ka shikwa hai ki begana samajhti kyun hai Tujh se mil kar bhi na tanhai miTegi meri Dil mein rah rah ke yahi baat khaTakti kyun hai Mujh se kya puchh rahe ho meri wahshat ka sabab Bu-e-awara se puchho ki bhaTakti kyun hai