jism ki kashtii men aa

Havaa ke paanv is ziine talak aa.e the lagtaa hai Diye kee lau pe ye bosa usee kaa hai Miree gardan se siine tak Kharaashon kee lakeeron kaa ye gul-dasta Tilismee qufl khulne kee isee saa.at kee khaatir Hijr ke mausam guzaare hain Havaa ne muddaton men paanv paanee men utaare hain Miree pislee se paidaa ho Vahee gandum kee boo le kar Zameen aur aasmaan kee vus.aten Mujh men simaT aa.en Uluhee lazzat-e-naayaab se sarshaar kar mujh ko Main ik pyaasaa samundar hoon Too apnee jism kee kashtee men aa Aur paar kar mujh ko Hawa ke panw is zine talak aae the lagta hai Diye ki lau pe ye bosa usi ka hai Meri gardan se sine tak KHarashon ki lakiron ka ye gul-dasta Tilismi qufl khulne ki isi saat ki KHatir Hijr ke mausam guzare hain Hawa ne muddaton mein panw pani mein utare hain Meri pisli se paida ho Wahi gandum ki bu le kar Zamin aur aasman ki wusaten Mujh mein simaT aaen Uluhi lazzat-e-nayab se sarshaar kar mujh ko Main ek pyasa samundar hun Tu apni jism ki kashti mein aa Aur par kar mujh ko