kahaan tak waqt ke dariyaa ko ham thahraa huaa dekhen

Kahaan tak waqt ke dariyaa ko ham Thahraa huaa dekhen Ye hasrat hai ki in aankhon se kuch hota huaa dekhen Bahut muddat huee ye aarzoo karte hue ham ko Kabhee manzar kaheen ham koi an-dekhaa huaa dekhen Sukoot-e-shaam se pahle kee manzil sakht hotee hai Kaho logon se suraj ko na yuun Dhaltaa huaa dekhen Havaa.en baadbaan kholeen lahoo-aasaar baarish ho Zameen-e-sakht tujh ko phooltaa-phaltaa huaa dekhen Dhuen ke baadalon men chhup ga.e ujle makaan saare Ye chaahaa tha ki manzar shahr kaa badlaa huaa dekhen Hamaaree be-hisee pe rone vaalaa bhee nahin koi Chalo jaldee chalo phir shahr ko jaltaa huaa dekhen Kahan tak waqt ke dariya ko hum Thahra hua dekhen Ye hasrat hai ki in aankhon se kuch hota hua dekhen Bahut muddat hui ye aarzu karte hue hum ko Kabhi manzar kahin hum koi an-dekha hua dekhen Sukut-e-sham se pahle ki manzil saKHt hoti hai Kaho logon se suraj ko na yun Dhalta hua dekhen Hawaen baadban kholin lahu-asar barish ho Zamin-e-saKHt tujh ko phulta-phalta hua dekhen Dhuen ke baadalon mein chhup gae ujle makan sare Ye chaha tha ki manzar shahr ka badla hua dekhen Hamari be-hisi pe rone wala bhi nahin koi Chalo jaldi chalo phir shahr ko jalta hua dekhen