mujh ko milnaa hai vahiid akhtar se
— Shahryar
Zindagee ye tiraa ehsaan bahut hai mujh par
'aazmee' ziist hai har moD pe jo saath mire
Us kee yaadon men basar hote hain din raat mire
Ek ehsaan nayaa kar mujh par
Zindagee, maut se too meree sifaarish kar de
Mujh ko milnaa hai 'vaheed-akhtar' se
Zindagi ye tera ehsan bahut hai mujh par
'azmi' zist hai har moD pe jo sath mere
Us ki yaadon mein basar hote hain din raat mere
Ek ehsan naya kar mujh par
Zindagi, maut se tu meri sifarish kar de
Mujh ko milna hai 'wahid-aKHtar' se