munazzam manaazir se aage bahaar aur khizaan maut aur zindagii ke munazzam manaazir se aage bhi

Bahaar aur khizaan maut aur zindagee ke munazzam manaazir se aage bhee Kuchh aise manzar hain Aankhon kee jin tak rasaa.ee nahin hai Shajar jis kee saaree jaDen aasmaanon men phailee hain Aur Tahniyaan khurduree sakht laavaa ugaltee zameen Ke badan men musalsal utartee chalee jaa rahi hain Havaa ke samundar men be-baadbaan kashtiyon par darinde Lahoo-rang khushboo kee deevaar kaa gahraa saaya Haree surkh niilee siyah raushnee Raushnee kee lakeeren Lakeeron kee awaaz Aavaaz kaa daa.era Daa.ere aur nuqte men baDhtaa huaa faasla Faasla aur safar Bahaar aur khizaan maut aur zindagee ke munazzam manaazir se aage bhee Kuchh aise manzar hain aankhon kee jin tak rasaa.ee nahin hai Bahaar aur KHizan maut aur zindagi ke munazzam manazir se aage bhi Kuchh aise manzar hain Aankhon ki jin tak rasai nahin hai Shajar jis ki sari jaDen aasmanon mein phaili hain Aur Tahniyan khurduri saKHt lawa ugalti zamin Ke badan mein musalsal utarti chali ja rahi hain Hawa ke samundar mein be-baadban kashtiyon par darinde Lahu-rang KHushbu ki diwar ka gahra saya Hari surKH nili siyah raushni Raushni ki lakiren Lakiron ki aawaz Aawaz ka daera Daere aur nuqte mein baDhta hua fasla Fasla aur safar Bahaar aur KHizan maut aur zindagi ke munazzam manazir se aage bhi Kuchh aise manzar hain aankhon ki jin tak rasai nahin hai