pahle nahaaii os men phir aansuon men raat

Pahle nahaa.ee os men phir aansuon men raat Yuun buund buund utree hamaare gharon men raat Kuchh bhee dikhaa.ee deta nahin duur duur tak Chubhtee hai sooiyon kee tarah jab ragon men raat Vo khurduree chaTaanen wo Dariya wo aabshaar Sab kuch sameT le ga.ee apne paron men raat Aankhon ko sab kee niind bhee dee khvaab bhee diye Ham ko shumaar kartee rahi dushmanon men raat Be-samt manzilon ne bulaayaa hai phir hamen SannaaTe phir bichhaane lagee raaston men raat Pahle nahai os mein phir aansuon mein raat Yun bund bund utri hamare gharon mein raat Kuchh bhi dikhai deta nahin dur dur tak Chubhti hai suiyon ki tarah jab ragon mein raat Wo khurduri chaTanen wo dariya wo aabshaar Sab kuch sameT le gai apne paron mein raat Aankhon ko sab ki nind bhi di KHwab bhi diye Hum ko shumar karti rahi dushmanon mein raat Be-samt manzilon ne bulaya hai phir hamein SannaTe phir bichhane lagi raston mein raat