raat judaaii ki raat

KaTtee nahin sard raat Dhaltee nahin zard raat Raat judaa.ee kee raat Khaalee gilaason kee samt Taktee huee aankh men Qatra-e-shabnam nahin Kaun lahoo men bahe Meree ragon men chale Tez ho saanson kaa shor Jalne lage por por Aa.e samundar men josh Gir paDe deevaar-e-hosh Sookhee huee shaakh par Barg o samar khil uTheen Aao miree niind kee Bikhree huee pattiyaan Aaj sameTo zaraa Kab se khulaa hai badan Is ko lapeTo zaraa Ek shikan do shikan Bistar-e-tanhaa.ee par Phir se baDhaa do zaraa Mujh ko rulaa do zaraa Ek pahar raat hai Raat judaa.ee kee raat KaTti nahin sard raat Dhalti nahin zard raat Raat judai ki raat KHali gilason ki samt Takti hui aankh mein Qatra-e-shabnam nahin Kaun lahu mein bahe Meri ragon mein chale Tez ho sanson ka shor Jalne lage por por Aae samundar mein josh Gir paDe diwar-e-hosh Sukhi hui shaKH par Barg o samar khil uThin Aao meri nind ki Bikhri hui pattiyan Aaj sameTo zara Kab se khula hai badan Is ko lapeTo zara Ek shikan do shikan Bistar-e-tanhai par Phir se baDha do zara Mujh ko rula do zara Ek pahar raat hai Raat judai ki raat