ratjagon kaa zavaal

Wo andheree raat kee chaap thee Jo guzar ga.ee Kabhee khiDkiyon pe na jhuk sakee Kisee raaste men na ruk sakee Use jaane kis kee talaash thee Miree aankh os se tar rahi hai Mujhe khvaab banne kee lat rahi Kabhee ek suunee see rahguzar pe khaDaa tha main Kabhee duur rail kee pTriyon pe paDaa tha main Vo kisee ke jism kee chaap thee Jo guzar ga.ee Use jaane kis kee talaash thee Mire dil ke dasht kee ret hee men khilee thee wo Mujhe ik galee men milee thee wo Use mujh se shauq-e-visaal tha Mire khvaab mujh se khafaa hue Mujhe niind aa.ee main so gaya Yahee ratjagon kaa zavaal tha Wo andheri raat ki chap thi Jo guzar gai Kabhi khiDkiyon pe na jhuk saki Kisi raste mein na ruk saki Use jaane kis ki talash thi Meri aankh os se tar rahi hai Mujhe KHwab banne ki lat rahi Kabhi ek suni si rahguzar pe khaDa tha main Kabhi dur rail ki pTriyon pe paDa tha main Wo kisi ke jism ki chap thi Jo guzar gai Use jaane kis ki talash thi Mere dil ke dasht ki ret hi mein khili thi wo Mujhe ek gali mein mili thi wo Use mujh se shauq-e-visal tha Mere KHwab mujh se KHafa hue Mujhe nind aai main so gaya Yahi ratjagon ka zawal tha