sabhii ko gam hai samundar ke khushk hone kaa

Sabhee ko gham hai samundar ke khushk hone kaa Ki khel khatm huaa kashtiyaan Dubone kaa Barahna-jism bagoolon kaa qatl hota raha Khayaal bhee nahin aayaa kisee ko rone kaa Sila koi nahin parchhaa.iyon kee puujaa kaa Ma.aal kuch nahin khawabon kee fasl bone kaa BichhaD ke tujh se mujhe ye gumaan hota hai Ki meree aankhen hain patthar kee jism sone kaa Hujoom dekhtaa hoon jab to kaanp uThtaa hoon Agarche khauf nahin ab kisee ke khone kaa Ga.e the log to deevaar-e-qahqaha kee taraf Magar ye shor musalsal hai kaisaa rone kaa Mire vajood pe nafrat kee gard jamtee rahi Milaa na waqt use aansuon se dhone kaa Sabhi ko gham hai samundar ke KHushk hone ka Ki khel KHatm hua kashtiyan Dubone ka Barahna-jism bagulon ka qatl hota raha KHayal bhi nahin aaya kisi ko rone ka Sila koi nahin parchhaiyon ki puja ka Maal kuch nahin KHwabon ki fasl bone ka BichhaD ke tujh se mujhe ye guman hota hai Ki meri aankhen hain patthar ki jism sone ka Hujum dekhta hun jab to kanp uThta hun Agarche KHauf nahin ab kisi ke khone ka Gae the log to diwar-e-qahqaha ki taraf Magar ye shor musalsal hai kaisa rone ka Mere wajud pe nafrat ki gard jamti rahi Mila na waqt use aansuon se dhone ka