shikva koi dariyaa ki ravaanii se nahiin hai

Shikva koi dariyaa kee ravaanee se nahin hai Rishta hee miree pyaas kaa paanee se nahin hai Kal yuun tha ki ye qaid-e-zamaanee se the bezaar Fursat jinhen ab sair-e-makaanee se nahin hai Chaahaa to yaqeen aa.e na sachchaa.ee pe us kee Khaa.if koi gul ahd-e-khizaanee se nahin hai Dohraataa nahin main bhee ga.e logon kee baaten Is daur ko nisbat bhee kahaanee se nahin hai Kahte hain mire haq men sukhan-fahm bas itnaa Sheron men jo khoobee hai muaanee se nahin hai Shikwa koi dariya ki rawani se nahin hai Rishta hi meri pyas ka pani se nahin hai Kal yun tha ki ye qaid-e-zamani se the bezar Fursat jinhen ab sair-e-makani se nahin hai Chaha to yaqin aae na sachchai pe us ki KHaif koi gul ahd-e-KHizani se nahin hai Dohraata nahin main bhi gae logon ki baaten Is daur ko nisbat bhi kahani se nahin hai Kahte hain mere haq mein suKHan-fahm bas itna Sheron mein jo KHubi hai muani se nahin hai