tujh se bichhde hain to ab kis se milaatii hai hamen

Tujh se bichhDe hain to ab kis se milaatee hai hamen Zindagee dekhiye kya rang dikhaatee hai hamen Markaz-e-deeda-o-dil teraa tasavvur tha kabhi Aaj is baat pe kitnee hansee aatee hai hamen Phir kaheen khvaab o haqeeqat kaa tasaadum hogaa Phir koi manzil-e-be-naam bulaatee hai hamen Dil men wo dard na aankhon men wo tughyaanee hai Jaane kis samt ye dunya liye jaatee hai hamen Gardish-e-waqt kaa kitnaa baDaa ehsaan hai ki aaj Ye zameen chaand se behtar nazar aatee hai hamen Tujh se bichhDe hain to ab kis se milati hai hamein Zindagi dekhiye kya rang dikhati hai hamein Markaz-e-dida-o-dil tera tasawwur tha kabhi Aaj is baat pe kitni hansi aati hai hamein Phir kahin KHwab o haqiqat ka tasadum hoga Phir koi manzil-e-be-nam bulati hai hamein Dil mein wo dard na aankhon mein wo tughyani hai Jaane kis samt ye duniya liye jati hai hamein Gardish-e-waqt ka kitna baDa ehsan hai ki aaj Ye zamin chand se behtar nazar aati hai hamein