ummiid o biim

Main ne aksar inheen aankhon ke dareeche se tujhe Jhaankte dekhaa hai Jab laghzish-e-anfaas baDhee Tund-o-pur-shor sadaaon kaa hujoom Noor-afroz khalaaon se ham-aaghosh huaa Main ne aksar inheen aankhon ke dareeche men tujhe Doobte dekhaa hai Jab talkhee-e-ehsaas ghaTee Khaamushee rakht-e-safar baandh chukee Tund-o-pur-shor sadaaon kaa hujoom Zulmat-angez zameen-doz guphaaon kaa jigar Chiir ke Oonghtee tanhaa.ee men tahleel huaa Main ne too ne inheen aankhon ke dareeche ke qareeb Raushnee rote hue nuur ke meenaaron ko Ashk bante hue girte hue dekhaa hai To kyuun Aandhiyaan chalne lageen Khauf se kaanp uTheen baaz dareechon kee laven? Main ne aksar inhin aankhon ke dariche se tujhe Jhankte dekha hai Jab laghzish-e-anfas baDhi Tund-o-pur-shor sadaon ka hujum Nur-afroz KHalaon se ham-aghosh hua Main ne aksar inhin aankhon ke dariche mein tujhe Dubte dekha hai Jab talKHi-e-ehsas ghaTi KHamushi raKHt-e-safar bandh chuki Tund-o-pur-shor sadaon ka hujum Zulmat-angez zamin-doz guphaon ka jigar Chir ke Unghti tanhai mein tahlil hua Main ne tu ne inhin aankhon ke dariche ke qarib Raushni rote hue nur ke minaron ko Ashk bante hue girte hue dekha hai To kyun Aandhiyan chalne lagin KHauf se kanp uThin baz darichon ki lawen?