wo mod

Phir tiree titlee-numaa soorat mujhe yaad aa ga.ee Mujh ko wo lamha abhee bhoolaa nahin Ek kone men ka.ee logon ke saath Guftugoo men munhamik khoyaa huaa Meree aa.ankhon ne kabhi tujh saa koi dekhaa na tha Main tujhe takne lagaa Der tak taktaa raha Aankh se kaanon se honTon se tujhe taktaa raha Kyaa ajab deevaangee thee Rashk aayaa bakht pe apne mujhe Lafz ke asraar mujh pe vaa hue GhanTiyaan see mere kaanon men bajeen Nuur ke sailaab men Duubee huee is shaam kee Ek ik saa.at tire ham-raah hai Ruk gaya hai waqt is ik moD par Main judaa.ee ke liye majboor tha Too judaa.ee par jahaan masroor tha Phir teri titli-numa surat mujhe yaad aa gai Mujh ko wo lamha abhi bhula nahin Ek kone mein kai logon ke sath Guftugu mein munhamik khoya hua Meri aaankhon ne kabhi tujh sa koi dekha na tha Main tujhe takne laga Der tak takta raha Aankh se kanon se honTon se tujhe takta raha Kya ajab diwangi thi Rashk aaya baKHt pe apne mujhe Lafz ke asrar mujh pe wa hue GhanTiyan si mere kanon mein bajin Nur ke sailab mein Dubi hui is sham ki Ek ek saat tere ham-rah hai Ruk gaya hai waqt is ek moD par Main judai ke liye majbur tha Tu judai par jahan masrur tha