zindagii jaisii tavaqqo thii nahiin kuch kam hai

Zindagee jaisee tavaqqo thee nahin kuch kam hai Har ghaDee hota hai ehsaas kaheen kuch kam hai Ghar kee ta.ameer tasavvur hee men ho saktee hai Apne naqshe ke mutaabiq ye zameen kuch kam hai BichhDe logon se mulaaqaat kabhee phir hogee Dil men ummeed to kaafee hai yaqeen kuch kam hai Ab jidhar dekhiye lagtaa hai ki is dunya men Kaheen kuch chiiz ziyaada hai kaheen kuch kam hai Aaj bhee hai tiree duuree hee udaasee kaa sabab Ye alag baat ki pahlee see nahin kuch kam hai Zindagi jaisi tawaqqo thi nahin kuch kam hai Har ghaDi hota hai ehsas kahin kuch kam hai Ghar ki tamir tasawwur hi mein ho sakti hai Apne naqshe ke mutabiq ye zamin kuch kam hai BichhDe logon se mulaqat kabhi phir hogi Dil mein ummid to kafi hai yaqin kuch kam hai Ab jidhar dekhiye lagta hai ki is duniya mein Kahin kuch chiz ziyaada hai kahin kuch kam hai Aaj bhi hai teri duri hi udasi ka sabab Ye alag baat ki pahli si nahin kuch kam hai