aa ke patthar to mire sahn men do chaar gire

Aa ke patthar to mire sahn men do chaar gire Jitne us peD ke phal the pas-e-deevaar gire Aisee dahshat thee fazaaon men khule paanee kee Aankh jhapkee bhee nahin haath se patvaar gire Mujhe girnaa hai to main apne hee qadmon men giroon Jis tarah saaya-e-deevaar pe deevaar gire Teergee chhoD ga.e dil men ujaale ke khutoot Ye sitaare mire ghar Toot ke bekaar gire Kyaa havaa haath men talvaar liye phirtee thee Kyuun mujhe Dhaal banaane ko ye chhitnaar gire Dekh kar apne dar-o-baam laraz jaataa hoon Mire ham-saa.e men jab bhee koi deevaar gire Vaqt kee Dor khuda jaane kahaan se TuuTe Kis ghaDee sar pe ye laTkee huee talvaar gire Ham se Takraa ga.ee khud baDh ke andhere kee chaTaan Ham sambhal kar jo bahut chalte the naa-chaar gire Kyaa kahoon deeda-e-tar ye to miraa chehra hai Sang kaT jaate hain baarish kee jahaan dhaar gire Haath aayaa nahin Kuch raat kee daldal ke sivaa Haa.e kis moD pe khawabon ke parastaar gire Vo tajallee kee shuaa.en thiin ki jalte hue par Aa.ine Toot ga.e aa.ina-bardaar gire Dekhte kyuun ho 'shakeb' itnee bulandee kee taraf Na uThaayaa karo sar ko ki ye dastaar gire Aa ke patthar to mere sahn mein do chaar gire Jitne us peD ke phal the pas-e-diwar gire Aisi dahshat thi fazaon mein khule pani ki Aankh jhapki bhi nahin hath se patwar gire Mujhe girna hai to main apne hi qadmon mein girun Jis tarah saya-e-diwar pe diwar gire Tirgi chhoD gae dil mein ujale ke KHutut Ye sitare mere ghar TuT ke bekar gire Kya hawa hath mein talwar liye phirti thi Kyun mujhe Dhaal banane ko ye chhitnar gire Dekh kar apne dar-o-baam laraz jata hun Mere ham-sae mein jab bhi koi diwar gire Waqt ki Dor KHuda jaane kahan se TuTe Kis ghaDi sar pe ye laTki hui talwar gire Hum se Takra gai KHud baDh ke andhere ki chaTan Hum sambhal kar jo bahut chalte the na-chaar gire Kya kahun dida-e-tar ye to mera chehra hai Sang kaT jate hain barish ki jahan dhaar gire Hath aaya nahin Kuch raat ki daldal ke siwa Hae kis moD pe KHwabon ke parastar gire Wo tajalli ki shuaen thin ki jalte hue par Aaine TuT gae aaina-bardar gire Dekhte kyun ho 'shakeb' itni bulandi ki taraf Na uThaya karo sar ko ki ye dastar gire