ab aap rah e dil jo kushaada nahin rakhte

Ab aap rah-e-dil jo kushaada nahin rakhte Ham bhee safar-e-jaan kaa iraada nahin rakhte Piinaa ho to ik jura-e-zahraab bahut hai Ham tishna-dahan tohmat-e-baada nahin rakhte Ashkon se charaaghaan hai shab-e-zeest so wo bhee Kotaahi-e-mizhgaan se ziyaada nahin rakhte Ye gard-e-rah-e-shauq hee jam jaa.e badan par Rusvaa hain ki ham koi labaada nahin rakhte Har gaam pe jugnoo saa chamaktaa hai jo dil men Ham is ke sivaa mish.al-e-jaada nahin rakhte Surkhee nahin phoolon kee to zakhmon kee shafaq hai Daamaan-e-talab ham kabhi saada nahin rakhte Ab aap rah-e-dil jo kushada nahin rakhte Hum bhi safar-e-jaan ka irada nahin rakhte Pina ho to ek jura-e-zahrab bahut hai Hum tishna-dahan tohmat-e-baada nahin rakhte Ashkon se charaghan hai shab-e-zist so wo bhi Kotahi-e-mizhgan se ziyaada nahin rakhte Ye gard-e-rah-e-shauq hi jam jae badan par Ruswa hain ki hum koi labaada nahin rakhte Har gam pe jugnu sa chamakta hai jo dil mein Hum is ke siwa mishal-e-jada nahin rakhte SurKHi nahin phulon ki to zaKHmon ki shafaq hai Daman-e-talab hum kabhi sada nahin rakhte