daavat e fikr

Kis tarah ret ke samundar men Kashtee-e-zeest hai ravaan socho Sun ke baad-e-sabaa kee sargoshee Kyuun laraztee hain pattiyaan socho Pattharon kee panaah men kyuun hai Aa.ina-saaz kee dukaan socho Asl sar-chashma-e-wafa kya hai Vaj.h-e-be-mehree-e-butaan socho Zauq-e-ta.ameer kyuun nahin miTtaa Kyuun ujaDtee hain bastiyaan socho Fikr-e-suqraat hai ki zahr kaa ghoonT Baa.is-e-umr-e-jaavedaan socho Log ma.anee taraash hee lenge Koee be-rabt daastaan socho Kis tarah ret ke samundar mein Kashti-e-zist hai rawan socho Sun ke baad-e-saba ki sargoshi Kyun larazti hain pattiyan socho Pattharon ki panah mein kyun hai Aaina-saz ki dukan socho Asl sar-chashma-e-wafa kya hai Wajh-e-be-mehri-e-butan socho Zauq-e-tamir kyun nahin miTta Kyun ujaDti hain bastiyan socho Fikr-e-suqraat hai ki zahr ka ghunT Bais-e-umr-e-jawedan socho Log mani tarash hi lenge Koi be-rabt dastan socho