gam e dil hiita e tahriir men aataa hi nahin

Gham-e-dil heeta-e-tahreer men aataa hee nahin Jo kinaaron men simaT jaa.e wo Dariya hee nahin Os kee boondon men bikhraa huaa manzar jaise Sab kaa is daur men ye haal hai meraa hee nahin Barq kyuun un ko jalaane pe kamar-basta hai Main to Chaaon men kisee peD kee baiThaa hee nahin Ik kiran thaam ke main dhoop-nagar tak pahunchaa Kaun saa arsh hai jis kaa koi ziina hee nahin Koee bhoolaa huaa chehra nazar aa.e shaayad Aa.ina ghaur se too ne kabhi dekhaa hee nahin Bojh lamhon kaa har ik sar pe uThaa.e guzraa Koee is shahr men sustaane ko Thahraa hee nahin Saaya kyuun jal ke huaa khaak tujhe kya maa'loom Too kabhi aag ke dariyaaon men utraa hee nahin Motee kya kya na pare hain tah-e-Dariya lekin Barf lahron kee koi toDne vaalaa hee nahin Is ke pardon pe munaqqash tiree awaaz bhee hai Khaana-e-dil men faqat teraa saraapaa hee nahin Haa.il-e-raah the kitne hee havaa ke parbat To wo baadal ki mire shahr se guzraa hee nahin Yaad ke daa.ere kyuun phailte jaate hain 'shakeb' Us ne taalaab men kankar abhee phenkaa hee nahin Gham-e-dil hita-e-tahrir mein aata hi nahin Jo kinaron mein simaT jae wo dariya hi nahin Os ki bundon mein bikhra hua manzar jaise Sab ka is daur mein ye haal hai mera hi nahin Barq kyun un ko jalane pe kamar-basta hai Main to chhanw mein kisi peD ki baiTha hi nahin Ek kiran tham ke main dhup-nagar tak pahuncha Kaun sa arsh hai jis ka koi zina hi nahin Koi bhula hua chehra nazar aae shayad Aaina ghaur se tu ne kabhi dekha hi nahin Bojh lamhon ka har ek sar pe uThae guzra Koi is shahr mein sustane ko Thahra hi nahin Saya kyun jal ke hua KHak tujhe kya ma'lum Tu kabhi aag ke dariyaon mein utra hi nahin Moti kya kya na pare hain tah-e-dariya lekin Barf lahron ki koi toDne wala hi nahin Is ke pardon pe munaqqash teri aawaz bhi hai KHana-e-dil mein faqat tera sarapa hi nahin Hail-e-rah the kitne hi hawa ke parbat To wo baadal ki mere shahr se guzra hi nahin Yaad ke daere kyun phailte jate hain 'shakeb' Us ne talab mein kankar abhi phenka hi nahin