gam e ulfat mire chehre se ayaan kyuun na huaa

Gham-e-ulfat mire chehre se ayaan kyuun na huaa Aag jab dil men sulagtee thee dhuaan kyuun na huaa Sail-e-gham ruktaa nahin zabt kee deevaaron se Josh-e-girya thaa to main girya-kunaan kyuun na huaa Kahte hain husn khad-o-khaal kaa paaband nahin Har haseen shai pe mujhe teraa gumaan kyuun na huaa Dasht bhee is ke makeen shahr bhee is men aabaad Too jahaan aan base dil wo makaan kyuun na huaa Ye samajhte hue maqsood-e-nazar hai too hee Main tire husn kee jaanib nigaraan kyuun na huaa Is se pahle ki tire lams kee khushboo kho jaa.e Tujh ko paa lene kaa armaan javaan kyuun na huaa Tapte sahraa to miree manzil-e-maqsood na the Main kaheen ham-safar-e-abr-e-ravaan kyuun na huaa Ajnabee par to yahaan lutf sivaa hota hai Main bhee is shahr men benaam-o-nishaan kyuun na huaa Naa-rasaa.ee thee mire shauq kaa haasil to 'shakeb' Haa.il-e-raah koi sang-e-giraan kyuun na huaa Gham-e-ulfat mere chehre se ayan kyun na hua Aag jab dil mein sulagti thi dhuan kyun na hua Sail-e-gham rukta nahin zabt ki diwaron se Josh-e-girya tha to main girya-kunan kyun na hua Kahte hain husn KHad-o-KHal ka paband nahin Har hasin shai pe mujhe tera guman kyun na hua Dasht bhi is ke makin shahr bhi is mein aabaad Tu jahan aan base dil wo makan kyun na hua Ye samajhte hue maqsud-e-nazar hai tu hi Main tere husn ki jaanib nigaran kyun na hua Is se pahle ki tere lams ki KHushbu kho jae Tujh ko pa lene ka arman jawan kyun na hua Tapte sahra to meri manzil-e-maqsud na the Main kahin ham-safar-e-abr-e-rawan kyun na hua Ajnabi par to yahan lutf siwa hota hai Main bhi is shahr mein benam-o-nishan kyun na hua Na-rasai thi mere shauq ka hasil to 'shakeb' Hail-e-rah koi sang-e-giran kyun na hua