gurez paa

Dheere dheere gir rahi thiin nakhl-e-shab se chaandnee kee pattiyaan Bahte bahte abr kaa TukDaa kaheen se aa gaya tha darmiyaan Milte milte rah ga.ee thiin makhmaleen sabze pe do parchhaa.iyaan Jis tarah sapne ke jhoole se koi andhe kuen men jaa gire Naa-gahaan kajlaa ga.e the sharmageen aankhon ke nooraanee diye Jis tarah shor-e-jaras se koi vaamaanda musaafir chaunk uThe Yak-ba-yak ghabraa ke wo niklee thee mere baazuon kee qaid se Ab sulagte rah ga.e the, chhin gaya tha jaam bhee Aur meree bebasee par hans paDee thee chaandnee Aaj tak ehsaas kee chilman se uljhaa hai ye mub.ham saa savaal Us ne aakhir kyuun bunaa tha bahkee nazron se haseen chaahat kaa jaal Dhire dhire gir rahi thin naKHl-e-shab se chandni ki pattiyan Bahte bahte abr ka TukDa kahin se aa gaya tha darmiyan Milte milte rah gai thin maKHmalin sabze pe do parchhaiyan Jis tarah sapne ke jhule se koi andhe kuen mein ja gire Na-gahan kajla gae the sharmagin aankhon ke nurani diye Jis tarah shor-e-jaras se koi wamanda musafir chaunk uThe Yak-ba-yak ghabra ke wo nikli thi mere bazuon ki qaid se Ab sulagte rah gae the, chhin gaya tha jam bhi Aur meri bebasi par hans paDi thi chandni Aaj tak ehsas ki chilman se uljha hai ye mubham sa sawal Us ne aaKHir kyun buna tha bahki nazron se hasin chahat ka jal