ham jins agar mile na koi aasmaan par

Ham-jins agar mile na koi aasmaan par Behtar hai khaak Daaliye aisi uDaan par Aa kar giraa tha koi parinda lahoo men tar Tasveer apnee chhoD gaya hai chaTaan par Poochho samundaron se kabhi khaak kaa pata Dekho havaa kaa naqsh kabhi baadbaan par Yaaro main is nazar kee bulandee ko kya karoon Saaya bhee apna dekhtaa hoon aasmaan par Kitne hee zakhm hain mire ik zakhm men chhupe Kitne hee tiir aane lage ik nishaan par Jal-thal huee tamaam zameen aas-paas kee Paanee kee buund bhee na giree saa.ebaan par Malboos khush-numaa hain magar jism khokhle Chhilke saje hon jaise phalon kee dukaan par Saaya nahin tha niind kaa aankhon men duur tak Bikhre the raushnee ke nageen aasmaan par Haq baat aa ke ruk see ga.ee thee kabhi 'shakeb' Chhaale paDe hue hain abhee tak zabaan par Ham-jins agar mile na koi aasman par Behtar hai KHak Daliye aisi uDan par Aa kar gira tha koi parinda lahu mein tar Taswir apni chhoD gaya hai chaTan par Puchho samundaron se kabhi KHak ka pata Dekho hawa ka naqsh kabhi baadban par Yaro main is nazar ki bulandi ko kya karun Saya bhi apna dekhta hun aasman par Kitne hi zaKHm hain mere ek zaKHm mein chhupe Kitne hi tir aane lage ek nishan par Jal-thal hui tamam zamin aas-pas ki Pani ki bund bhi na giri saeban par Malbus KHush-numa hain magar jism khokhle Chhilke saje hon jaise phalon ki dukan par Saya nahin tha nind ka aankhon mein dur tak Bikhre the raushni ke nagin aasman par Haq baat aa ke ruk si gai thi kabhi 'shakeb' Chhaale paDe hue hain abhi tak zaban par