indimaal

Shaam kee seeDhiyaan kitnee kirnon kaa maqtal baneen Baad-e-masmoom ne toD kar kitne patte supurd-e-khizaan kar diye Bah ke mashkeeza-e-abr se kitnee boonden zameen kee ghizaa ban ga.iin Ghair-mumkin thaa un kaa shumaar Thak ga.iin ginne vaale har ik haath kee ungliyaan An-ginat kah ke aage baDhaa vaqt kaa kaarvaan An-ginat the mire zakhm-e-dil TuuTee kirnon, bikharte hue zard patton, barastee huee boondiyon kee tarah Aur marham bhee naapaid thaa Lekin us roz dekhaa jo ik tifl-e-nau-zaa.ida kaa khanda-e-zer-e-lab Zakhm-e-dil mundamil ho ga.e sab ke sab! Sham ki siDhiyan kitni kirnon ka maqtal banin Baad-e-masmum ne toD kar kitne patte supurd-e-KHizan kar diye Bah ke mashkiza-e-abr se kitni bunden zamin ki ghiza ban gain Ghair-mumkin tha un ka shumar Thak gain ginne wale har ek hath ki ungliyan An-ginat kah ke aage baDha waqt ka karwan An-ginat the mere zaKHm-e-dil TuTi kirnon, bikharte hue zard patton, barasti hui bundiyon ki tarah Aur marham bhi napaid tha Lekin us roz dekha jo ek tifl-e-nau-zaida ka KHanda-e-zer-e-lab ZaKHm-e-dil mundamil ho gae sab ke sab!