is khaak daan men ab tak baaqii hain Kuch sharar se
— Shakeb Jalali
Is khaak-daan men ab tak baaqee hain Kuch sharar se
Daaman bachaa ke guzro yaadon kee rahguzar se
Har har qadam pe aankhen thiin farsh-e-raah lekin
Vo raushnee kaa haalaa utraa na baam par se
Kyuun jaada-e-wafa par mish.al-ba-kaf khaDe ho
Is sail-e-teergee men niklegaa kaun ghar se
Kis dasht kee sadaa ho itnaa mujhe bataa do
Har-soo bichhe hain raste aa.uun to main kidhar se
UjDaa huaa makaan hai ye dil jahaan pe har shab
Parchhaa.iyaan lipaT kar rotee hain baam-o-dar se
Is KHak-dan mein ab tak baqi hain Kuch sharar se
Daman bacha ke guzro yaadon ki rahguzar se
Har har qadam pe aankhen thin farsh-e-rah lekin
Wo raushni ka haala utra na baam par se
Kyun jada-e-wafa par mishal-ba-kaf khaDe ho
Is sail-e-tirgi mein niklega kaun ghar se
Kis dasht ki sada ho itna mujhe bata do
Har-su bichhe hain raste aaun to main kidhar se
UjDa hua makan hai ye dil jahan pe har shab
Parchhaiyan lipaT kar roti hain baam-o-dar se