jab tak gam e jahaan ke havaale hue nahin

Jab tak gham-e-jahaan ke havaale hue nahin Ham zindagee ke jaanne vaale hue nahin Kahtaa hai aaftaab zaraa dekhnaa ki ham Duube the gahree raat men kaale hue nahin Chalte ho siina taan ke dhartee pe kis liye Tum aasmaan to sar pe sambhaale hue nahin Anmol wo guhar hain jahaan kee nigaah men Dariyaa kee jo tahon se nikaale hue nahin Tai kee hai ham ne soorat-e-mahtaab raah-e-shab Tool-e-safar se paanv men chhaale hue nahin Das len to un ke zahr kaa aasaan hai utaar Ye saanp aasteen ke paale hue nahin Teshe kaa kaam resha-e-gul se liyaa 'shakeb' Ham se pahaaD kaaTne vaale hue nahin Jab tak gham-e-jahan ke hawale hue nahin Hum zindagi ke jaanne wale hue nahin Kahta hai aaftab zara dekhna ki hum Dube the gahri raat mein kale hue nahin Chalte ho sina tan ke dharti pe kis liye Tum aasman to sar pe sambhaale hue nahin Anmol wo guhar hain jahan ki nigah mein Dariya ki jo tahon se nikale hue nahin Tai ki hai hum ne surat-e-mahtab rah-e-shab Tul-e-safar se panw mein chhaale hue nahin Das len to un ke zahr ka aasan hai utar Ye sanp aastin ke pale hue nahin Teshe ka kaam resha-e-gul se liya 'shakeb' Hum se pahaD kaTne wale hue nahin