jashn e eid sabhii ne eid manaaii mire gulistaan men

Sabhee ne 'iid manaa.ee mire gulistaan men Kisee ne phuul piro.e kisee ne khaar chune Ba-naam-e-izn-e-takallum ba-naam-e-jabr-e-sukoot Kisee ne honT chabaa.e kisee ne giit bune BaDe ghazab kaa gulistaan men jashn-e-'eed huaa Kaheen to bijliyaan kaundeen kaheen cheenaar jale Kaheen kaheen koi faanoos bhee nazar aayaa Ba-taur-e-khaas magar qalb-e-daagh-daar jale 'ajab thee 'eed-e-khumistaan 'ajab thaa rang-e-nashaat Kisee ne baada-o-saaghar kisee ne ashk piye Kisee ne atlas-o-kamkhvaab kee qabaa pahnee Kisee ne chaak-e-garebaan kisee ne zakhm siye Hamaare zauq-e-nazaara ko 'iid ke din bhee Kaheen pe saaya-e-zulmat kaheen pe nuur milaa Kisee ne deeda-o-dil ke kanval khile paa.e Kisee ko saaghar-e-ehsaas chaknaa-choor milaa Ba-faiz-e-'eed bhee paidaa huee na yak-rangee Koee malool koi gham se be-niyaaz raha BaDaa ghazab hai khudavand-e-kausar-o-tasneem Ki roz-e-'eed bhee tabqon kaa imtiyaaz raha Sabhi ne 'id manai mere gulistan mein Kisi ne phul piroe kisi ne KHar chune Ba-nam-e-izn-e-takallum ba-nam-e-jabr-e-sukut Kisi ne honT chabae kisi ne git bune BaDe ghazab ka gulistan mein jashn-e-'id hua Kahin to bijliyan kaundin kahin chinar jale Kahin kahin koi fanus bhi nazar aaya Ba-taur-e-KHas magar qalb-e-dagh-dar jale 'ajab thi 'id-e-KHumistan 'ajab tha rang-e-nashat Kisi ne baada-o-saghar kisi ne ashk piye Kisi ne atlas-o-kamKHwab ki qaba pahni Kisi ne chaak-e-gareban kisi ne zaKHm siye Hamare zauq-e-nazara ko 'id ke din bhi Kahin pe saya-e-zulmat kahin pe nur mila Kisi ne dida-o-dil ke kanwal khile pae Kisi ko saghar-e-ehsas chakna-chur mila Ba-faiz-e-'id bhi paida hui na yak-rangi Koi malul koi gham se be-niyaz raha BaDa ghazab hai KHudawand-e-kausar-o-tasnim Ki roz-e-'id bhi tabqon ka imtiyaz raha