kahaan rukenge musaafir nae zamaanon ke

Kahaan rukenge musaafir na.e zamaanon ke Badal raha hai junoon zaaviye uDaanon ke Ye dil kaa zakhm hai ik roz bhar hee jaa.egaa Shigaaf pur nahin hote faqat chaTaanon ke Chhalak chhalak ke baDhaa meree samt niind kaa jaam Pighal pighal ke gire qufl qaid-khaanon ke Havaa ke dasht men tanhaa.ee kaa guzar hee nahin Mire rafeeq hain mutrib ga.e zamaanon ke Kabhee hamaare nuqoosh-e-qadam ko tarsenge Vahee jo aaj sitaare hain aasmaanon ke Kahan rukenge musafir nae zamanon ke Badal raha hai junun zawiye uDanon ke Ye dil ka zaKHm hai ek roz bhar hi jaega Shigaf pur nahin hote faqat chaTanon ke Chhalak chhalak ke baDha meri samt nind ka jam Pighal pighal ke gire qufl qaid-KHanon ke Hawa ke dasht mein tanhai ka guzar hi nahin Mere rafiq hain mutrib gae zamanon ke Kabhi hamare nuqush-e-qadam ko tarsenge Wahi jo aaj sitare hain aasmanon ke