khvaab e gul rang ke anjaam pe ronaa aayaa

Khvaab-e-gul-rang ke anjaam pe ronaa aayaa Aamad-e-sub.h-e-shab-andaam pe ronaa aayaa Dil kaa mafhoom ishaaron se ujaagar na huaa Be-kasee-e-gila-e-khaam pe ronaa aayaa Kabhee ulfat see jhalaktee hai kabhi nafrat see Ai ta.alluq tire ib.haam pe ronaa aayaa Miree khushiyaan kabhi jis naam se vaabasta thiin Jaane kyuun aaj usee naam pe ronaa aayaa Le ke ubhregee sahar phir vahee pazhmurda kiran Kyaa kahoon teergi-e-shaam pe ronaa aayaa Be-sabab apnee nigaahon se giraa jaataa hoon Is fusoon-kaaree-e-ilzaam pe ronaa aayaa Itne arzaan to nahin the mire ashkon ke guhar Aaj kyuun talkhee-e-aalaam pe ronaa aayaa Laayaq-e-husn-e-nazar the na kabhi un ke khutoot Aaj mahroomee-e-paighaam pe ronaa aayaa Ab bhee manzil mire qadmon kee tamannaa.ee hai Kyaa kahoon hasrat-e-yak-gaam pe ronaa aayaa Rone vaalaa to karegaa na kisee kaa shikva Laakh kahiye gham-e-ayyaam pe ronaa aayaa Un ke shub.haat men Kuch aur izaafa thaa 'shakeb' Ashk-e-saada ke is in.aam pe ronaa aayaa KHwab-e-gul-rang ke anjam pe rona aaya Aamad-e-subh-e-shab-andam pe rona aaya Dil ka mafhum ishaaron se ujagar na hua Be-kasi-e-gila-e-KHam pe rona aaya Kabhi ulfat si jhalakti hai kabhi nafrat si Ai talluq tere ibham pe rona aaya Meri KHushiyan kabhi jis nam se wabasta thin Jaane kyun aaj usi nam pe rona aaya Le ke ubhregi sahar phir wahi pazhmurda kiran Kya kahun tirgi-e-sham pe rona aaya Be-sabab apni nigahon se gira jata hun Is fusun-kari-e-ilzam pe rona aaya Itne arzan to nahin the mere ashkon ke guhar Aaj kyun talKHi-e-alam pe rona aaya Layaq-e-husn-e-nazar the na kabhi un ke KHutut Aaj mahrumi-e-paigham pe rona aaya Ab bhi manzil mere qadmon ki tamannai hai Kya kahun hasrat-e-yak-gam pe rona aaya Rone wala to karega na kisi ka shikwa Lakh kahiye gham-e-ayyam pe rona aaya Un ke shubhat mein Kuch aur izafa tha 'shakeb' Ashk-e-sada ke is inam pe rona aaya