mariiz e gam ke sahaaro koi to baat karo

Mareez-e-gham ke sahaaro koi to baat karo Udaas chaand sitaaro koi to baat karo Kahaan hai Doob chukaa ab to Doobne vaalaa Shikasta-dil se kinaaro koi to baat karo Mire naseeb ko barbaadiyon se nisbat hai LuTee huee see bahaaro koi to baat karo Kahaan gaya wo tumhaaraa bulandiyon kaa junoon Bujhe bujhe se sharaaro koi to baat karo Isee tarah se ajab kya jo Kuch sukoon mile Gham-e-firaaq ke maaro koi to baat karo Tumhaaraa gham bhee miTaatee hain mastiyaan ki nahin Sharaab-e-naab ke maaro koi to baat karo Tumhaaree khaak uDaataa nahin 'shakeb' to kya Udaas raah-guzaaro koi to baat karo Mariz-e-gham ke sahaaro koi to baat karo Udas chand sitaro koi to baat karo Kahan hai Dub chuka ab to Dubne wala Shikasta-dil se kinaro koi to baat karo Mere nasib ko barbaadiyon se nisbat hai LuTi hui si bahaaro koi to baat karo Kahan gaya wo tumhaara bulandiyon ka junun Bujhe bujhe se shararo koi to baat karo Isi tarah se ajab kya jo Kuch sukun mile Gham-e-firaq ke maro koi to baat karo Tumhaara gham bhi miTati hain mastiyan ki nahin Sharab-e-nab ke maro koi to baat karo Tumhaari KHak uData nahin 'shakeb' to kya Udas rah-guzaro koi to baat karo