mauj e gam is liye shaayad nahin guzri sar se

Mauj-e-gham is liye shaayad nahin guzree sar se Main jo Duubaa to na ubharoongaa kabhi saagar se Aur dunya se bhalaa.ee kaa sila kya miltaa Aa.ina main ne dikhaayaa tha ki patthar barse Kitnee gum-sum mire aangan se sabaa guzree hai Ik sharar bhee na uDaa ruuh kee khaakistar se Pyaar kee jot se ghar ghar hai charaaghaan varna Ek bhee sham.a na raushan ho havaa ke Dar se UDte baadal ke ta.aaqub men phiroge kab tak Dard kee dhoop men niklaa nahin karte ghar se Kitnee ra.anaa.iyaan aabaad hain mere dil men Ik kharaaba nazar aataa hai magar baahar se Vaadee-e-khvaab men us gul kaa guzar kyuun na huaa Raat bhar aatee rahi jis kee mahak bistar se Taan-e-aghyaar sunen aap khamoshee se 'shakeb' Khud palaT jaatee hai Takraa ke sadaa patthar se Mauj-e-gham is liye shayad nahin guzri sar se Main jo Duba to na ubharunga kabhi sagar se Aur duniya se bhalai ka sila kya milta Aaina main ne dikhaya tha ki patthar barse Kitni gum-sum mere aangan se saba guzri hai Ek sharar bhi na uDa ruh ki KHakistar se Pyar ki jot se ghar ghar hai charaghan warna Ek bhi shama na raushan ho hawa ke Dar se UDte baadal ke taaqub mein phiroge kab tak Dard ki dhup mein nikla nahin karte ghar se Kitni ranaiyan aabaad hain mere dil mein Ek KHaraba nazar aata hai magar bahar se Wadi-e-KHwab mein us gul ka guzar kyun na hua Raat bhar aati rahi jis ki mahak bistar se Tan-e-aghyar sunen aap KHamoshi se 'shakeb' KHud palaT jati hai Takra ke sada patthar se