mubaarak wo saaat

Main bhaTkaa huaa ik musaafir Rah-o-rasm-e-manzil se naa-aashnaa.ee pe naazaan Ta.aaqub men apnee hee parchhaa.iyon ke ravaan thaa Mere jism kaa bojh dhartee sambhaale hue thee Magar us kee ra.anaa.iyon se mujhe koi dil-bastagee hee nahin thee Kabhee raah chalte hue khaak kee rooh-parvar kashish Main ne mahsoos kee hee nahin thee Main aankhon se biinaa thaa lekin Mere chaar-soo chaadaren aa.inon kee tarah thiin Ki jin ke liye meraa partav hee thaa ik zinda haqeeqat Kisee doosre ko gavaara na thee is men shirkat Main kaanon se bahraa nahin thaa Magar jis tarah kohna gumbad men chamgaadaDon ke bhaTakne kee awaaz goonjtee nahin hai Khule aasmaan ke parindon kee chahkaar andar pahunchtee nahin hai Isee tarah meraa bhee zauq-e-samaa.at rasaa thaa faqat apnee hee dhaDkanon tak Bas apne lahoo kee subuk aahaTon tak Main bhaTkaa huaa ik musaafir Meree raah par miT chuke the safar ke ishaaraat saare Faramoshiyon kee ghanee dhund men kho chuke the jihat ke nishaanaat saare Rah-e-rasm-e-manzil se main aashnaa hee nahin thaa Magar main akelaa KaroDon kee is bhiiD men bhee udaas aur akelaa Ta.aaqub men apnee hee parchhaa.iyon ke ravaan thaa Main shaayad hamesha yoonhee apnee parchhaa.iyon ke ta.aaqub men hairaan phirtaa Agar raushnee mujh pe chamkee na hotee Mubaarak wo saa.at ki jab maut aur teergee ke ghane saa.ebaan ke tale Raushnee mujh pe chamkee Mere dil pe dhartee ne aur us ke arfa.a mazaahir ne apnee mohabbat raqam kee Mubaarak wo saa.at ki jab barq ke koDe lahraatee Lohe kee cheelon se aur Aatisheen tiir barsaate faulaad ke par darindon se muDbheD men Main ne dekhe Mere saathiyon ke jigar men taraazoo hain jo tiir Huaa hoon main khud un kaa nakhcheer Jo qatra lahoo kaa giraa un ke tan se Bahaa hai wo mere badan se Mubaarak wo saa.at ki jab main ne jaanaa Miree dhaDkanon men karoDon dilon kee sadaa hai Meree ruuh men mushtarak ''garche qaalib judaa hai'' Main bhaTka hua ek musafir Rah-o-rasm-e-manzil se na-ashnai pe nazan Taaqub mein apni hi parchhaiyon ke rawan tha Mere jism ka bojh dharti sambhaale hue thi Magar us ki ranaiyon se mujhe koi dil-bastagi hi nahin thi Kabhi rah chalte hue KHak ki ruh-parwar kashish Main ne mahsus ki hi nahin thi Main aankhon se bina tha lekin Mere chaar-su chadaren aainon ki tarah thin Ki jin ke liye mera partaw hi tha ek zinda haqiqat Kisi dusre ko gawara na thi is mein shirkat Main kanon se bahra nahin tha Magar jis tarah kohna gumbad mein chamgadaDon ke bhaTakne ki aawaz gunjti nahin hai Khule aasman ke parindon ki chahkar andar pahunchti nahin hai Isi tarah mera bhi zauq-e-samaat rasa tha faqat apni hi dhaDkanon tak Bas apne lahu ki subuk aahaTon tak Main bhaTka hua ek musafir Meri rah par miT chuke the safar ke ishaaraat sare Faramoshiyon ki ghani dhund mein kho chuke the jihat ke nishanat sare Rah-e-rasm-e-manzil se main aashna hi nahin tha Magar main akela KaroDon ki is bhiD mein bhi udas aur akela Taaqub mein apni hi parchhaiyon ke rawan tha Main shayad hamesha yunhi apni parchhaiyon ke taaqub mein hairan phirta Agar raushni mujh pe chamki na hoti Mubarak wo saat ki jab maut aur tirgi ke ghane saeban ke tale Raushni mujh pe chamki Mere dil pe dharti ne aur us ke arfa mazahir ne apni mohabbat raqam ki Mubarak wo saat ki jab barq ke koDe lahraati Lohe ki chilon se aur Aatishin tir barsate faulad ke par darindon se muDbheD mein Main ne dekhe Mere sathiyon ke jigar mein taraazu hain jo tir Hua hun main KHud un ka naKHchir Jo qatra lahu ka gira un ke tan se Baha hai wo mere badan se Mubarak wo saat ki jab main ne jaana Meri dhaDkanon mein karoDon dilon ki sada hai Meri ruh mein mushtarak garche qalib juda hai